Ágætu heimilismenn & aðstandendur
Nú afléttum við verulega á heimsóknarreglum í Brákarhlíð í ljósi þess að aflétt hefur verið nánast öllum takmörkunum vegna Covid-19 í samfélaginu.
Við viljum þó fara ögn varlega og eftirfarandi reglur gilda varðandi heimsóknir frá og með 25. febrúar 2022 þar til annað verður tilkynnt:
Opið er á heimsóknir alla daga kl. 13:00 – 18:30
Húsinu er lokað um kl. 18:30 (á kvöldmatartíma) og þurfa þeir sem koma eftir þann tíma að hringja dyrabjöllu sem er í forstofu heimilisins.
Að sinni förum við fram á að allir gestir beri andlitsgrímu við komu inn á heimilið.
Ekki eru fjöldatakmarkanir varðandi gestakomur en áfram biðjum gesti um að fara til herbergis viðkomandi heimilismanns sem verið er að heimsækja.
Persónulegar sýkingavarnir s.s. handþvottur og sprittun á enn við.
Heimilisfólk, starfsfólk og gestir verða að spritta hendur við komu.
Heimilismenn mega fara út af heimilinu, t.d. í bílferðir og heimsóknir.
Eftir sem áður höfðum við til ábyrgðar gesta – ekki koma í heimsókn ef þú ert með flensueinkenni (kvef, hósta, höfuðverk, beinverki, þreytu, kviðverki, niðurgang o.fl).
Með virðingu og vinsemd,
Borgarnesi 25. febrúar 2022
Stjórnendur Brákarhlíðar